Algeng mistök eftir bílslys

Ekki gera lítið úr áverkum þínum eða mögulegum afleiðingum slyssins á vettvangi, áður en afleiðingar hafa eftir atvikum komið fram, sem oftast tekur einhvern tíma.

Hvað á að gera í staðinn:

Skiptu á upplýsingum við aðra aðila og tilkynntu lögreglunni ef við á. Leitaðu til læknis um leið og einkenni koma fram. Láttu fagaðila um að meta afleiðingar slyssins síðar í bótaferlinu.

Margir gleyma að taka myndir af vettvangi. Án myndanna getur verið erfitt að sanna hvað gerðist ef ágreiningur kemur upp síðar.

Hvað á að gera í staðinn:

Taktu myndir af öllum bílum frá mörgum sjónarhornum, skemmdum, staðsetningu bíla, götuskiltum, slóðarsporum og öðru sem gæti skipt máli.

Jafnvel þó slysið virðist minniháttar og enginn sé slasaður er ekki rétt að yfirgefa vettvang áður en skipst hefur verið á upplýsingum.

Hvað á að gera í staðinn:

Stöðvaðu alltaf, skiptu á upplýsingum með öðrum aðilum og tilkynntu lögreglunni ef við á. Fáðu slysaskýrslu ef hún er gefin út.

Þetta eru stærstu mistökin. Einkenni geta komið fram eða aukist síðar og þá er mikilvægt að hafa leitað til læknis beint í kjölfar slyssins og um leið og einkenni koma fram eða versna.

Hvað á að gera í staðinn:

Farðu til læknis eins fljótt og auðið er ef þú finnur fyrir einhverjum einkennum, jafnvel vægum. Ef engin einkenni koma fram fyrstu dagana en koma síðar, leitaðu þá til læknis og útskýrðu tengingu við slysið.

Sumir halda að þeir þurfi ekki að tilkynna minniháttar slys en tryggingarskilmálar krefjast þess almennt að slys séu tilkynnt innan ákveðins tíma.

Hvað á að gera í staðinn:

Tilkynntu öll slys til tryggingafélagsins, jafnvel minniháttar. Þeir geta ráðlagt þér um næstu skref og það tryggir að réttur þinn sé varðveittur.

Ljósmyndir, slysaskýrslur, læknisfræðilegar skýrslur, kvittanir. Allt þetta getur verið mikilvægt síðar. Ef þetta er ekki gert þá getur það gert erfiðara fyrir við að sækja bætur.

Hvað á að gera í staðinn:

Búðu til möppu (prentaða eða stafræna) með öllum gögnum tengdum slysinu. Geymdu ljósmyndir, skýrslur, kvittanir og samskipti við tryggingafélag.

Ef leitað er lögmanns of seint í ferlinu getur það leitt til þess að ekki sé hugað að mikilvægum þáttum í ferli bótamáls strax á fyrstu stigum.

Hvað á að gera í staðinn:

Leitaðu strax til lögmanns í kjölfar slyss og fáðu leiðbeiningar og góðar upplýsingar um hvaða atriðum þú þarft að huga að sjálfur og hvaða atriði lögmaðurinn sér um fyrir þína hönd. Við vafa, leitaðu faglegrar ráðgjafar.

„þetta er bara vægur höfuðverkur“ eða „bara smá stífni" - margir vanmeta einkenni í kjölfar slyss og hugsa að þau muni hverfа af sjálfu sér.

Hvað á að gera í staðinn:

Taktu öllum einkennum alvarlega. Ef eitthvað er óvenjulegt eða veldur óþægindum í kjölfar slyss, leitaðu til læknis. Það er betra að vera varkár en að sjá eftir því síðar.

Hafirðu leitað þér aðstoðar lögmanns er ákjósanlegt að lögmaðurinn sjái almennt um samskipti við mótaðila eða tryggingafélagið, annars er hætt við að ekki allar upplýsingar skili sér t.d. til lögmannsins sem hefur það hlutverk að gæta þinna hagsmuna og tryggja að fullnægjandi gögn og upplýsingar liggi fyrir vegna málsins fyrir þína hönd. Gefðu ekki af þér of miklar skoðanir á heilsu þinni gagnvart þessum aðilum.

Hvað á að gera í staðinn:

Leitaðu til lögmanns þíns hafirðu einhverjar spurningar og vísaðu öllum spurningum um einkenni og meiðsl til lögmannsins sem sér um málið þitt. Þú þarft ekki að tala beint við mótaðila eða tryggingafélagið sem fer með málið.

Margir vilja ekki vera „vesen“ og telja sig eiga einfaldlega að þola einkenni sem koma fram í kjölfar slyss. Þetta getur leitt til þess að fólk fær ekki þá aðstoð sem það á rétt á.

Hvað á að gera í staðinn:

Þú gætir átt rétt á bótum ef þú finnur fyrir einkennum eða afleiðingum slyss sem geta haft áhrif á líf þitt. Í slíkum tilfellum er réttlætanlegt að kanna bótarétt, og í raun alltaf betra að setja málið í farveg heldur en ekki til að tryggja stöðu sína.